| Coluna
Italiana
08/07/2005
CENTRO CULTURAL ITALIANO DE PALOTINA
GL´ITALIANI CON LA PAROLA
Por Lirio João Lolatto
STÒRIE E FRÒTOLE
Se dise sempre che´l vin quanto pi Vecchio, meglio. Anca se pol dire da gente: "Quanto pi vecchio l´è uno, pi sperienza.
I primi anni quando le rivá i primi migranti ntel Rio Grande, Gioan el ghe ha tocà ndar via pal mato pa spacar scàndole par fare su le case. L´era mia come desso che se compra el zinco, se fa su le tégole (telhas) nò, ma tocava cada uno farse su le scàndole se se vuoi squaerciar le case. Sinò tocava squarciale de paglia de fuormento, de sèlesi (Samambaias), de paglia de caressoni (Macegas) e i taliani ghe piasea mia chel tanto li, parché i disea che gera i negri che i squarciava co sti mistieri li.
La Stòria. Ben, li per le otto, le otto e meda, la nona la va portarghe la colassion a sto Gioan, che l´era drio spacar scàndole in mèdo al mato. Lu el se senta do in tera, el verde la sporta, el stira la tavaglia in tera e li col pan, salame, polenta, fomaggio e vin el ha fato la so colassion polito e dopo co so fiacheta el se ha messo a taiar scàndole ancora, fin che l´era mesdi, lora el se ha invià pa ndar casa, La nona, pena che´l ghea finio la colassion la se ha messo pa ndar casa portar casa i piati e tutto quanto pa pareciar el disnar pal meso giorno.
Ma, co´l riva casa, gnente de nona, el domanda a la gente: ndela la nona? - Ma, i dise, casa no l´è vegnuta è, noantri se credeva che la gera restada in colônia! Cari da Dio, ha scominsià dei rumpi-testa: ndove sarala la nona? Fursi la sia morta via pal mato?... Tutti i pensieri i gera possibili... Lora, el va ciamar i visinanti, pi de quaranta òmeni i se mete via pal mato inserca dea nona.
Dopo due, tre di de ndar inserca senza catar gnente, i se ressignadi parchè no ghe gera santi de catar sta nona. Ma, la gera na nona tanto bona, tanto santa, che no podea esser altro. Tutti i ha scominsià dir che l´è stata la Madonna menarla in paradiso, e anca la ha menada co la sporta, vestito, capelo, sinele e tutto parché no se ha catà gnente de quelo che gera de la nona. Oncó anca, pi de cento ani che ha sucedesto sto mestiero, i parenti e tutta la gente i le d´acordo che sìpia stata la Madonna portar la nona in paradiso. E bisogna che sìpia certo, sicuro, parché i nostri noni e none i gera gente tanto bona, tanto de lege che´l Signore li voleva in paradiso sicuro. >>voltar
para capa |
