Coluna Italiana
13/02/2004

CENTRO CULTURAL ITALIANO DE PALOTINA
GL´ITALIANI CON LA PAROLA
Por Lirio João Lolatto

STORIE E FROTOLE 
El Barracon dei Stangherlin

Tel 1955, zé vegnesto qua a Palotina, primi pioneiri con i so tosi per veder e comprar terra, e i la ga comprada da vero. Là de un tempo, vien so pare e fioi per far su un barracon e meter rento la fameia. I se mete acampai tea so terra e i taca far scandole de gabriùva, taole, catar piante bele drite en meso el mato con so fioi per far la armassion. E i ga leva su sto barracon e i taca a meterghe le scàndole. Mi gera li che li osservava. Tutti i se ga messo su el gilè parchè coi scarselini el ndea ben pa meter rento i ciodi per inciodar le scàndole. E i se ga messo a tuta voia a laorar, coèrder la casa.

Su scàndole e zo smartelade, ma lê scàndole l´era verde, e i ciodeti i ndea do de gusto! Sncàndole verde de gabriùva, le pesava che mai, ma el laoro el rendea che mai! Tutti contenti, i disea uno a l´altro, co la so maniera de parlar: "Movete de í (invece de movete de pì)". Ma go nota che i caibreti i zera tutti sensa na travessa da seguranza e te la ponta senza la mesaluna inciodada, go dito tra de mi: "Vui sol veder se i agüenta!" Mi laorea li visin e da quando in quando ndea parlarghe e veder el so laoro.

E zo smartelade, e zo ciodeti e móvete de í, che i se disea uno col altro de contenti che i era parchè el laoro el ndea vanti a mila. Co ghe manchea du file de na parte, i era li tutti a cavaloto del coerto, che i descansea, che i dea na fumadela, el vecioto anca co la so pipona, tutti li pacifichi come merli. Cari da Dio, de repente se sente on bruto de un s-cioco e brànfete, se ga verto tutti i caibreti, e i zé venesti do tutti in meso: Pupa, fioi, e par sorte che no i se ga fato gnente de mal. Lora mi ghe go dito: móvete de í! Desso si bisogna che ghe meti i caibreti sinò casca do tuto ancora. I me ga scoltà e el Barracon l´è ndà su ancora, ma sicuro, sensa problemi!

L´avion

Un trenta ani fa, là a Seara- SC, ghe gera na fameia dei Benatti, co un per de fioi che no i savea cosa inventar. Come ghe piasea tanto i aviuni, i ga proà farghene uno. I ga tribulà 15 giorni par far on licòptero, co un motor a oio pesado. Ma, pa levarse su ghe volea farse na ventarola granda. Ma luri, come i Bepi, i ghe ga messo na ventarola de tole, co du tre ciodi. I lo ga porta sora el staloto, che´l ghea el coerto largo e de scàndole, e i pensea che quando el corea do par el coerto el se inviea a zolar. Uno l´era rento e l´altro fora per urtar. L´avion invense de ndar in su, l´è ndà indò, el se ga impiantà tel luamaro del staloto e squasi che´l aviador el se nega tea merda de porco. L´altro l´era saltà su da drio, te la coa, per far contrapeso al motor. Dopo de chea volta no i volea pi sentir parlar de aviuni e gnanca de grande invesion. A ghe tochea ndar a spasso a caval anca lori, anca se i gávea l´avion casa sua!

Provérbios:
Al piande l mort per viavar al vivo.
Chora ao morto para enganar o vivo
Adverte contra quem manifesta compadecimento pela morte de alguém com intenção de enganar ou de obter algo de outrem. Caracteriza a atitude de quem expressa hipocrisia e falsos sentimentos em relação a pessoas fragilizadas pela dor, para, enganando-as, obter favores e benefícios

Benedeta la casa mia per poréta che la sia.
Bendita a casa minha por pobrezinha que ela seja.

Dá realce ao aconchego do lar próprio, sejam quais forem as condições econômicas e materiais da casa. É sempre interessante contar com a própria casa ainda que seja pobre.

>>voltar para capa